Les mots surlignés font l'objet d'une note
1Reçue à Grenoble, le 11 mars 1573.
2Monsieur, ayant esté adverty par votre marescal de logis que vous
3commandiés que ceulx de votredite compagnie se rendissent près de
4vous promptement, ce que j’eusse faict avec les aultres mes compagnons
5qui si en vont, n’est esté que mon rossin est à Sisteron entre les
6mains de Cognelli pour le me panser. Toutesfoys, j’espèe entre cy
7et huict ou dix jour me rendre près de votre personne pour
8recepvoir voz commandemens. Au demeurant monsieur, j’ay estimé
9estre très bon vous advertir comment n’a guières de jours que
10ung nommé Robert que m’avoyt esté serviteur que votredit cognoist bien,
11est venu devers Genève, où il estoyt allé à l’adveu du cappitaine
12Bastian et l’escuyer son frère, pour leur admener de chevaulx. Lequel
13m’a dict qu’estant audit Genève Il fust (avec le sieur de Sigoyer
14de Malpeil, beaufrère du cappitaine Champpolion) que y alloyt pour
15scavoir si Espinasses avoyt poinct faict de testement et
16esperoyt le scavoyr par aulcuns qui estoyent à Montz avec luy
17lors qu’il y fust tué et despuys revenus audit Genève, au
18logis où estoyent logés les sieurs de Sainct Romain, Cugii, le
19Cheyllar et Descros de Savoye, et lors il entendit dire ausditz sieurs
20que les huguenaulx de Daulphiné et Provance avoyent faict
21grand faulte quand ilz ne s’estoyent eslevés, mais qu’ilz
22le seroyent avant que fust Pasques. Enquoy j’estime que
23nous pourrons encores avoir de la besoingne tailhée si ne
24nous prenons garde. Et ce que me faict mieulx craindre
25d’ung remuement est que ces jours passés ung nommé
26le cappitaine Bogearel de la Motte en Prouvance est allé
27trouver le sieur de Montbrun en sa maison ce que n’est
28sans quelque maniement. Joinct que à ce que j’entendz ledit sieur
29de Montbrun se facha quand ceulx de la religion luy
30[242 v°] luy envoyent lettres et valletz, mais veult que les maistres
31y allent en personne. Aussi que toutz lesdits huguenauds
32dedeça sont troppes à se monter. J’ay du tout faict le
33recit au cappitaine Pontilhard pour le vous fère entendre ensemble
34aultres choses que ne sont cy expeciffier. Monsieur
35je vous supplierey très humblement qu’il vous plaise vous
36souvenir de moy sy en votre gouvernement se presente
37occasion pour m’employer ; et sur ce je finirey ceste
38en suppliant le Creatteur vous donner,
39monsieur en perfaicte santé très longue et heureuse
40vye. De Gap, ce 7 mars 1573.
41Votre très humble et très obeyssant
42serviteur
43de Rival